{"id":10884,"date":"2021-02-07T19:48:52","date_gmt":"2021-02-07T19:48:52","guid":{"rendered":"https:\/\/theologie.whp.uzh.ch\/apps\/gpi\/?p=10884"},"modified":"2023-03-06T23:32:14","modified_gmt":"2023-03-06T22:32:14","slug":"jesaja-91-6-5","status":"publish","type":"post","link":"https:\/\/www.theologie.uzh.ch\/apps\/gpi\/jesaja-91-6-5\/","title":{"rendered":"Jesaja 9,1-6"},"content":{"rendered":"
\n

Heiliger Abend, 24. Dezember 2005
\nPredigt \u00fcber Jesaja 9,1-6, verfasst von Gerhard Prell <\/span><\/b><\/h3>\n
\n

Weihnachtn is is Fest vo de Liachta.
\nS\u00e4i vabindt uns Christnmenschn mit dem \u00e4idan Gottesvoik, de Judn, de wo in dene Tog Chanukka feiern, wo\u2019s aa um de Liachta geht.
\nWenn ma in dene Tog duach unsan Ort spaziert, na leichtn oan an Haufa Liachta o, \u00fcwa da Hauptstrass und aaf dem grou\u00dfn Tannabaam, den wo uns olle Johr wieda die Partnergmoa in Vomp in Tirol spendiat \u2013 aa, wenn\u2019s am viertn Adventswochnend da Sturm arg dazaust hot, so, daass de Kommunara und de Feiawehr beinah nimma nochkemma waarn mi\u2019m Richtn auf de Feiatog.<\/p>\n

Weihnachtn is is Fest vo de Liachta.
\nMia s\u00e4im kimmt\u2019s a so vor, ois daad si in dene Haufa Liachta a Zeitlang-Sei ausdrucka, a grou\u00dfe Sehnsucht nach dem<\/em> grou\u00dfn Liacht.<\/p>\n

Ned blo\u00df, wei mia iatz grod de l\u00e4ngstn N\u00e4cht und de k\u00fcazastn Tog im Jahr ham. Noch Weihnachtn wern, und z\u2019erscht merkt ma\u2019s goa neda, de Tog wieda l\u00e4nga, und de Sonna kriagt mehra und mehra Kraft, bis nachad o Liachtme\u00df de Tannabaam aa wieda aus de Kircha vaschwindn. Oba de Sonna ko des graou\u00dfe Liacht doch ned sei, noch dem wo si de Leit sehnan. Um de umadum lasst unsa Herrgott ja seit Jahrmuijona unsa Erdn kreisn, so daass Somma und Winta si abwechsln dean und ma des beinah fia s\u00e4ibstvast\u00e4ndli hoitn kanntat.<\/p>\n

Zeitlang, Sehnsucht noch dem<\/em> grou\u00dfn Liacht macht uns, moan i, no a ganz andane Finsternis auf Erdn, gega de wo no so vui Liachta nix ausrichtn kennan. Herrgottsfinsternis mechat i\u2019s hoa\u00dfn. Und Menschenfinsternis no dazua.<\/p>\n

Herrgottsfinsternis \u2013 wei mia grod in dene Tog merkan, wia weit unsa W\u00e4it wegad is vo dera Friedensw\u00e4it, vo dera wo de Engl singan in da heilign Nacht. S\u2019is manchmoi grad aso, ois waar unsa Herrgott nia auf d\u2019W\u00e4it kemma, ois h\u00e4tt a nia unter uns g\u2019wohnt. Letzt\u2019s Joahr, aa graad z\u2019Weihnachten, de Sturmflut, der Tsunami drunt im Indischn Ozean. Da ham si de Leit scho g\u2019frogt, wo denn do da Herrgott is.<\/p>\n

Wieda andane schei\u00dfn si gar nix drum, ob do a Herrgott waar oda neda, ob\u2019s a Gebot vo eam gaab oda neda. Gnadnlosigkeit und Unbarmherzigkeit ham Konjunktua, so mechat ma moana, wenn ma auf Gouverneure in Amerika schaugt oda auf Manager und Unternehmensberater bei uns do im Land. Unrecht und Unfriedn regiern, wo ma blo\u00df hischaugt. Ob\u2019s iatz um Kraig geht oda um Terror oda um\u2019s Ausg\u2019fuxt und Ausg\u2019schaamt \u2013 Sei, wenn\u2019s drum geht, daass si oana gegan andern duachsetzt und eam praatzlt, wo\u2019s grod geht.
\nMenschenfinsternis \u2013 graad a so, ois h\u00e4tt unsa Herrgott uns nia zoagt, wia wahrhaftig\u2019s Menschsei ausschaugt.<\/p>\n

Weihnachtn is is Fest vo de Liachta.
\nS\u00e4i vabindt uns Christnmenschn mit dem \u00e4idan Gottesvoik, de Judn, de wo in dene Tog Chanukka feiern, wo\u2019s aa um de Liachta geht.
\nIs Voik Israel feiert de Tempeweih z\u2019Jerusalem vor guad 2500 Joahr. Und s\u00e4i is scho sonderbar, wei\u2019s des Gottshaus ja scho goar nimma gibt. Vor knapp 2000 Joahr ham\u2019s de R\u00f6mer zerst\u00f6rt. Oba de Judn lossn eanane Liachta trotzdem brenna, wei\u2019s hoffan, daass des graou\u00dfe Liacht boid kimmt, daass da Messias kimmt und Jerusalem und den Tempe wieda aufbaut, daass da Herrgott wieda bei de Menschn wohnt, daass wahr wead, wos da oide Prophet Jesaja vor 2800 Joahr vorausg\u2019sagt hod:<\/p>\n

Des Voik, des wo in da Finstanis umananda dappt, siggt a graou\u00df Liacht.
\nUnd \u00fcwa dene, de wo im Schattn vom Daoud hockan, leicht\u2019s h\u00e4i auf.
\n<\/em><\/p>\n

Du lasst\u2019s jauchzn und jubilian, und du machst eana Freid graou\u00df.
\nDaass sa si g\u2019frein wia bei da Ernt\u2019n, daass\u2019s jubilian, wia wann wos umasonst ausd\u00e4it wead.
\n<\/em><\/p>\n

Wia des?
\nWei du des schwaare Joch auf eana G\u2019nack, und den Stecka, mit dem wo\u2019s g\u2019haut worn han, und den Ochsnzeam vo eana Treiber ausanand brocha host wia am Midianstog.
\nJeda schwaare Stiefe, der wo mit an Mords Radau daher trampet kimmt, jed\u2019s Soidatngwand, des wo mit Bluat vasaut is, des wead ins Feia g\u2019schmissn und vabrennt.
\n<\/em><\/p>\n

Denn uns is a kloans Kind geborn. A Bua is auf d\u2019W\u00e4it kemma und uns g\u2019schenkt worn.
\nDer hod iatz is Sagn, und de Herrschaft liegt auf seine Schuidan. <\/em> Und hoa\u00dfn duad a:
\n\u201cWundabara Rat\u201d, \u201cda H\u00e4id is da Herrgott\u201d, \u201cVata auf ewig\u201d, \u201cF\u00fcrst vom Friedn\u201d.
\n<\/em><\/p>\n

Sei Herrschaft wead graou\u00df wer(d)n, und da Friedn soi koa End ned nehma
\naufm David seim Thron und in seim K\u00f6nigreich.
\nAuf Recht und G\u2019rechtigkeit wead si sei Herrschaft baun, von iatz o bis in Ewigkeit.
\nDenn do is unsa Herrgott Zebaoth ganz eifrig dahinta her.
\n<\/em><\/p>\n

2800 Joahr is des iatz her, wos da Jesaja do ok\u00fcndigt hod.\u00a0
\n<\/em>Und doch lasst\u2019s uns, wia de Liachta, de wo in da finstan Nacht brennan, Zeitlang kriang, sehn\u00fcchtig wean noch am Liacht, des wo eascht no aufgeht. Noch am Liacht, des wo koa Mensch ned oz\u00fcndn ko, wei\u2019s a g\u00f6ttlich\u2019s Liacht is. Und a wahrhaft menschlichs.
\nA Liacht, des wo de Hergottsfinstanis und de Menschnfinstanis aus da W\u00e4it vatreibt.<\/p>\n

Daass\u2019s mid unsana Wirtschaft aufw\u00e4rts geh soi im Neia Joahr, s\u00e4i konnt ma vo Kurzn no in de Zeidunga lesn. Owa an Haufa Leit sehng trotzdem eher schwarz. Ned blo\u00df de 6 Muijona Arbeitslosn, de wo\u2019s offiziell gibt in Deitschland, tats\u00e4chli han\u2019s woi eher mehra, sondern a de, wo no a Arwet ham. Und de Amerikaner ham womegli scho a neis Raadl auf da \u201eAchse des B\u00f6sn\u201c ausg\u2019macht, gega des wo\u2019s wieda an Kriag ofanga kanntatn. Und wann\u2019s nachad gegan Iran geh soitat, dann waarn a deitsche Soidatn dabei \u2013 wann\u2019s nachn Wuin vo unsana Kanzlerin geht. Dann miass ma woi aa bei uns do mit Terroranschl\u00e4g rechnan. Do is aa bei uns mehra Finstanis wia Liacht, mehra Sorng ois wia Zuavasicht, mehra Angst ois wia Freid.
\nUnd vielleicht han heid ombd aa oa do, de wo im Liachtaglanz von Dannabaam und Kiazn wenigstns fia de oanzige Stund de Sorng, de Angst und de Naout vagessn mechatn.<\/p>\n

Des Voik, des wo in da Finstanis umananda dappt \u2013 <\/em>naa, recht vui hella is des woi aa ned g\u2019wen bei dene Leid zo da Zeit vo dem Prophetn. De ham scho aa g\u2019wusst, wos Finstanis is, Herrgottsfinstanis und Menschnfinstanis. Soidatnstiefen und Soidatng\u2019wanda hams vor eanane Aung g\u2019habt, und in Kriag vor eanana T\u00fca. De W\u00e4idmacht vo Assyrien, de hod s\u00e4imoi de ganzn Nachbarl\u00e4nder vo Israel unterworfm. Und wieso soitatat\u2019s iatz aa graad vo Jerusalem Hoid macha? Lang wird des nimma dauern, bis da Kriag kimmt. De Leid ham koan Muad nimma g\u2019habt, koa Hoffnung und koa Zuavasicht, daass\u2019s irgadwann amoi wieda besser wean kaantat.<\/p>\n

Und was duad da Jesaja? Der redt in dera Finstanis von am graou\u00dfn Liacht. \u201eS\u2019bleibt ned so, wia\u2019s is\u201c, sagt a, \u201enaa, do kimmt oana, der wo eich de schwaan Lastn obnimmt, der wo eiana Otreiwa eana Stecka weggadnimmt und zabricht, der wo de Ausbeuta und Untadr\u00fccka de macht aus da Hand nimmt, der wo de bluadvasautn Soidatng\u2019wanda ins Feia nimmt und de schwaan Stiefen vabrennt. Do kimmt a Mensch, der de Menschnfinstanis vatreibt und wahrhaftigs Menschsei ons Liacht bringt. Do kimmt oana, der wo de Herrgottsfinstanis vatreibt und aufzoagt, wo und wia unsa Herrgott wirkli is.\u201c Irgadwo is do a Kind auf\u2019d\u2019 W\u00e4it kemma. A Bua, wiara G\u2019schenk vom Himme. Dea soi de W\u00e4it va\u00e4ndan, so wia\u2019s da Herrgott ham wui, der soi\u2019s regian, so wia\u2019s sei soiat. Und de Naman, de wo da Prophet dem Kind gibt, de zoang\u2019s, wiara des macha wui:
\nDer woa\u00df Rat, vo koana meah weida woa\u00df \u2013 drum hoa\u00dfta \u201eWundabara Rat.\u201c<\/em>
\nDer bewirkt\u2019s, daass da Herrgott sein Wuin duachsetzt \u2013 gega den menschlichng Oangsinn und gega des Unrecht, des wo de oana de andan o dean \u2013 drum hoa\u00dfta: \u201cda H\u00e4id is da Herrgott\u201d <\/em>(und ned ebba de menschlichng Herrscha, Ber\u00fchmtheitn, G\u00e4idign und Potentaatn).
\nDer vatreibt de Gottesfinstanis und zoagt, wia da Herrgott tats\u00e4chli fia uns ist \u2013 drum hoa\u00dfta: \u201cVata auf ewig\u201d- <\/em>ja, wiara Vata zo seine Kinda, so wui da Herrgott zo uns Menschn sei.
\nDer vatreibt de Menschfinstanis und bringt Recht, G\u2019rechtigkeit und Friedn zo eana \u2013 drum hoa\u00dfta: \u201cF\u00fcrst vom Friedn\u201d.
\n<\/em>Da flackern auf oamoi de Hoffnungsliachta wieda auf, wei da a graou\u00df Liacht kimmt.<\/p>\n

Des head si ja guad o. Oba dann is doch anders kemma. Des kloane Israel hod si ned behauptn kenna gega des graou\u00dfe Assyrien, tributpflichtig han\u2019s worn, schwaare Zeitn han kemma.
\nOba trotzdem han dem Jesaja seine Prophezeiunga s\u00e4imoi eig\u2019schlong wiara Bombm.
\nDe Leid ham eanane Hoffnungsliachta nimma ausgeh, sondan ham\u2019s brenna lassn.
\nFrech, zuavasichtli, gegan Augnschein ham\u2019s vatraut und glaabt und auf des graou\u00dfe Liacht g\u2019wart, des wo da kemma soi.
\nWia anders waar\u2019s kemma, dass ma dem Prophetn seine Prophezeiunga weida g\u2019sagt, aufg\u2019schriem und ois heilige Schrift \u00fcberliefert hod bis auf\u2019m heidanga Tog?
\nUnsa Herrgott is ganz eifrig dahinta her, dass\u2019s anders, besser und g\u2019rechter wead in dera W\u00e4it. Dass de Herrgottsfinstanis und de Menschnfinstanis vaschwindn.<\/p>\n

So umra 750 Joahr spaata is dann z\u2019Bethlehem a kloans Kind geborn worn. A kloana Bua is auf d\u2019W\u00e4it kemma, wiara G\u2019schenk vom Himme. Armselig, kloa und volla Naoud liegta in am Stoi, in an Fuadatrog, wei er koan Hoagascht ned find in dera W\u00e4id.
\nFl\u00fcchtn muassa vor de Potentatn, de wo eam\u2019s Le(b)m ned vagunnan.
\nOba der woa\u00df Rat, wo koana meah weida woa\u00df. De Leid, de wo\u2019s mid eam z\u2019doa kriang, de wean g\u2019sund oa Leib und S\u00e4i. Blindn gengan de Aung auf, Stumme fangan\u2019s Singa o, Taubm gengan d\u2019Ohrn auf, Lahme springan umanand wia d\u2019Laambal, Knickade teiln, wos ham, und de Arma hean de Frohe Botschaft ois de Eastn. Wo da Jesus auftretn is, do is de Herrschaft vo unsan Herrgott obrocha, do hod a si duachg\u2019setzt wiara H\u00e4id. Und do is de Herrgottsfinstanis vaschwund\u2019n, wei de Leid begriffm ham, dass unsa Herrgott koa blind\u2019s Schicksoi, koa finstare Macht ned is, sondern Vata auf ewig, der wo seine Kinda ned alloa lasst.
\nWo da Jesus predigt hod, do hod a de Friednsstifta selig g\u2019hoa\u00dfn, do is Friedn g\u2019wen, wianan de W\u00e4id ned ge(b)m ko.<\/p>\n

Olle Joahr wieda z\u00fcnd ma unsane Lichta z\u2019Weihnachtn o. Wei mia glau(b)m, daass mid dem Jesus woahr worn is, wos da Jesaja s\u00e4imoi prophezeit hod und daass des graou\u00dfe Liacht scho aufganga is \u00fcwa dem Stoi vo Bethlehem, \u00fcwa dem Kreiz auf Golgatha, \u00fcwa dem laarn Grob in Jerusalem.<\/p>\n

Owa iatz kimmt\u2019s drauf o, daass mia ned mod blo\u00df z\u2019ruckschaung. Sondan dass mia vorausschaung. Daass de Liachta, de wo heid wieda brennan, koane Erinnerungslichtal san, sondan Hoffnungsliachta, wei des graou\u00dfe Liacht ja no hella wead, wei\u2019s erscht no kemma und de ganze W\u00e4id h\u00e4i macha mua\u00df.
\nAa des \u00e4idane Gottesvoik, de Judn, z\u00fcndn eanane Liachta o in dene Tog.
\nAa graad, wei\u2019s ned glau(b)m kennan, daass der Jesus da Messias is, wei in dera W\u00e4id no so vui Herrgotts \u2013 und Menschfinstanis herrscht. Owa sie glau(b)m, dass der Messias no kemma wead, dass de Prophezeiunga vom Jesaja erscht in Erf\u00fcllung geh miassn.<\/p>\n

Kaannt uns des ned aa graad best\u00e4rkn in unsana christlichn Hoffnung, daass da Jesus, unsa auferstandana Herr, wiedakimmt und dann des graou\u00dfe Liacht in jedn Winkl vo dera W\u00e4id bringt, des wo seinazeit \u00fcwan Stoi in Bethlehem g\u2019leicht hod?
\nWenn mia doch wissen kennan, daass de Herrgottsfinstanis vaschwundn is, wei si da Herrgott in dem klaona Kind ois unsa ewiga Vata offmbart hod \u2013 kaant\u2019s dann ned g\u2019scheng, daass mia olle richtige G\u2019schwista vo dem Jesuskind wean, wahrhaftige Menschn, wiama\u2019s sei soin noch dem Wuin vo unsam himmlischn Vata? Kaantat dann ned de Menschfinstanis vageh, wei mia duach dens\u00e4im heilign Geist vawandlt wean, durch den wo da Herrgott Mensch worn is in dem Jesuskind?
\nKaant\u2019s dann ned g\u2019scheng, daass mia\u2019s machan wia da Herrgott s\u00e4im: daass ma Mensch wean?<\/p>\n

Vo s\u00e4im kennan mia des neda. Oba mia deafan damit rechnan, daass uns da Herrgott sein heilign Geist schickt, wann\u2019s an da Zeid daf\u00fca is. Und dann geht ned blo\u00df uns s\u00e4im a graou\u00df Liacht auf, sondan dem St\u00fcckal W\u00e4it um uns her aa.
\nUnd solang des ned g\u2019schichd, lassn mia unsane Liacht brenna. Mia kennan\u2019s brenna lossn in da Finstanis vo dera W\u00e4it. Mia kennan\u2019s mid hoam nehma mid dem Friednsliacht vo Bethlehem, des wo in da Geburtskiach ozundn worn is \u2013 oi dem Kriag und dem Terror im heilign Land zum Trotz.
\nWeihnachtn is is Fest vo de Liachta. Wei mir wissen deafan: Des grao\u00dfe Liacht, vo dem wo da Jesaja prophezeit hod, des is scho aufg\u2019leicht. Uns is a Kind geborn, a Bua is auf d\u2019W\u00e4it kemma wiara G\u2019schenk vom Himme. Und is leicht und geht nimma aus \u2013 bis daass er wieda kimmt und de ganze W\u00e4id ins rechte Liacht bringt.<\/p>\n

Und da Fried\u2019n vom Herrgott, vo dem wo d\u2019Engl in da Heilign Nacht g\u2019sunga ham, der soi eire Herzn und eian Vastand bewahrn in Christus, unsam Herrn.<\/p>\n

Amen.<\/p>\n

\n

Gerhard Prell
\nPfarrer in Bad Endorf, Obb.
\nG.Prell@gmx.de<\/a> <\/strong><\/p>\n<\/div>\n","protected":false},"excerpt":{"rendered":"

Heiliger Abend, 24. Dezember 2005 Predigt \u00fcber Jesaja 9,1-6, verfasst von Gerhard Prell Weihnachtn is is Fest vo de Liachta. S\u00e4i vabindt uns Christnmenschn mit dem \u00e4idan Gottesvoik, de Judn, de wo in dene Tog Chanukka feiern, wo\u2019s aa um de Liachta geht. Wenn ma in dene Tog duach unsan Ort spaziert, na leichtn oan […]<\/p>\n","protected":false},"author":1,"featured_media":4080,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[22,1,2,727,157,853,545,1343,638,349,109],"tags":[],"beitragende":[],"predigtform":[],"predigtreihe":[],"bibelstelle":[],"class_list":["post-10884","post","type-post","status-publish","format-standard","has-post-thumbnail","hentry","category-jesaja","category-aktuelle","category-at","category-archiv","category-beitragende","category-bibel","category-christvesper","category-gerhard-prell","category-kapitel-09-chapter-09-jesaja","category-kasus","category-predigten"],"_links":{"self":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/posts\/10884","targetHints":{"allow":["GET"]}}],"collection":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/posts"}],"about":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/types\/post"}],"author":[{"embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/users\/1"}],"replies":[{"embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/comments?post=10884"}],"version-history":[{"count":1,"href":"https:\/\/www.theologie.uzh.ch\/apps\/gpi\/wp-json\/wp\/v2\/posts\/10884\/revisions"}],"predecessor-version":[{"id":17276,"href":"https:\/\/www.theologie.uzh.ch\/apps\/gpi\/wp-json\/wp\/v2\/posts\/10884\/revisions\/17276"}],"wp:featuredmedia":[{"embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/media\/4080"}],"wp:attachment":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/media?parent=10884"}],"wp:term":[{"taxonomy":"category","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/categories?post=10884"},{"taxonomy":"post_tag","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/tags?post=10884"},{"taxonomy":"beitragende","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/beitragende?post=10884"},{"taxonomy":"predigtform","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/predigtform?post=10884"},{"taxonomy":"predigtreihe","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/predigtreihe?post=10884"},{"taxonomy":"bibelstelle","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/bibelstelle?post=10884"}],"curies":[{"name":"wp","href":"https:\/\/api.w.org\/{rel}","templated":true}]}}