{"id":10889,"date":"2021-02-07T19:48:54","date_gmt":"2021-02-07T19:48:54","guid":{"rendered":"https:\/\/theologie.whp.uzh.ch\/apps\/gpi\/?p=10889"},"modified":"2023-02-24T12:39:52","modified_gmt":"2023-02-24T11:39:52","slug":"jesaja-9-1-6-4","status":"publish","type":"post","link":"https:\/\/www.theologie.uzh.ch\/apps\/gpi\/jesaja-9-1-6-4\/","title":{"rendered":"Jesaja 9, 1-6"},"content":{"rendered":"
\n

Heiligobend, 24. Dezember 2005
\nPlattd\u00fc\u00fctsch Predigt \u00f6ver Jes. 9, 1-6, Anita Christians-Albrecht<\/span><\/b><\/h3>\n
\n

Gott, de immer dor west het un dorweesen will f\u00f6r alle Tieden, de mag ok nu ganz dicht bi uns wesen un uns sien Free schenken. Amen. <\/em><\/strong><\/p>\n

Mennig Dr\u00f6\u00f6m worrt wohr vannabend, leeve Gemeen, nich bloot f\u00f6r de Kinner. Ik denk an de coole Handy, de een viellicht kriggt of an de neije Computer, de unner\u2019t Wiehnachtsboom steiht. Ik meen obber ok noch wat anners: Dor roeppt viellicht een an, van de ik al lang nix mehr h\u00f6\u00f6rt hebb. Of dor kummt dat een of anner weer in\u2019t Lot: Man verdraggt s\u00fck, man proot\u2019t weer mit een, mit de man al siet Ewigkeiten kien Woort mehr wesselt hett. Dor geiht dat viellicht w\u00fcrelk mal friedlich to in\u2019t Familie, wiel jeder s\u00fck v\u00f6rs\u00fccht un uppasst, wat he seggt.<\/p>\n

Wi doont dor voel v\u00f6r, dat uns Dr\u00f6\u00f6m wohr worrt. Wi hebben dor voel f\u00f6r doon in de letzte Weeken: Hebben dat Huus schm\u00fcckt, hebben uns Gedanken maakt, uns d\u00f6r de vulle Koophuusen schuven laaten, Geschenken k\u00f6fft, Kookjes backt, Strohsteerns bastelt, moije Korten verst\u00fc\u00fcrt, de richtige Wiehnachtsboom utsoecht un wat feins to eeten ink\u00f6fft. Un faaktieden gl\u00fcckt dat ja ok: F\u00f6r\u2019n l\u00f6ttje Oogenblick, f\u00f6r\u2019n poor St\u00fcnnen of Daagen kummt uns dat v\u00f6r, as wenn de Welt in \u00d6rdnung is, as wenn dat so wat as Free gifft, as wenn dat warm un fr\u00fcnnelk is um uns to un ganz lecht.<\/p>\n

Is dat ja ok. De \u201ed\u00fc\u00fctsche Illuminationswohnsinn\u201c hett dat mal een in\u2019t Blatt n\u00f6\u00f6mt: L\u00fcchterketten up de Balkons un in de Fensters un \u00f6ver de Straaten, Kersen un Wiehnachtsboomen, \u00f6verall L\u00fccht. Dat h\u00f6\u00f6rt dor eenfach mit to in disse Daagen; un wenn wi uns v\u00f6rstellen, dat w\u00fcrr uns Wiehnachten so gahn as de Minschen in\u2019t M\u00fcnsterland dat an\u2019n ersten Advent gahn is, denn l\u00f6ppt uns\u2019n kollen Schuurr \u00f6ver\u2019t Leven. Wenn de Stroom utfallt, worrn wi angst un bang. To voel hangt dor in uns moderne Welt van of.<\/p>\n

Hell un warm un fr\u00fcnnelk un friedlich \u2013 so willn wi dat Wiehnachten hebben.<\/p>\n

Un wenn\u2019t denn doch anners kummt? Wenn nah de Sektkorken de D\u00f6\u00f6ren knallen un Tant Frieda un Opa Hans h\u00f6r Kabbellee ok vandaag nich laaten k\u00f6\u00f6nen? Wenn ut de strahlend Kinneroogen tomal Traanen koomen? Wenn wi de Biller van Nood un Dood un Hunger un Katastrophen, de wi in de letzte Daagen in\u2019t Fernsehen sehn hebben, nich to\u2019t Kopp ut kriegen? Wenn wi bes\u00fcnners d\u00fcdelk marken, wat in uns Leven nich up St\u00e4\u00e4d is, wenn wi tr\u00fc\u00fcrig s\u00fcnd of krank of uns S\u00f6rgen maaken um irgendwell oder irgendwat un gor kien rechte Wiehnachtsstimmung upkoomen will?<\/p>\n

Wat denn? Bedreegen wi uns nich s\u00fclst bi Goes un Gl\u00fchwien nah dat Motto: \u201eBuuten blank, binnen krank! V\u00f6rn bunt, achtern Strunt!\u201c? Dat een, de krank is, weer beter worrt oder dat\u2019n Minschke, de man verloorn hett, weer tegen een sitt, dat kann di so licht kieneen unner\u2019t Wiehnachtsboom leggen.<\/p>\n

Wat good, denk ik mennigmal un bes\u00fcnners in disse Wiehnachtsdaagen, dat uns Bibel kien Heele-Welt-Book is. Se weet, wo Minschen dat geiht, se weet, wo d\u00fc\u00fcster dat mennigmal in uns Welt uts\u00fccht, wo kolt se is un wo wohnsinnig.<\/p>\n

Uns Predigtext f\u00f6r vannabend vertellt uns van een Volk, dat in\u2019t D\u00fc\u00fcstern rumtappt, van Minschen, \u00f6ver de de Dood sien d\u00fc\u00fcster Schadden schmitt. He steiht bi Jesaja in\u2019t 9. Kapitel:<\/p>\n

Predigttext: Ut dat Prophetenbook Jesaja 9, 1-6
\naus:<\/em> Anita Christians-Albrecht (Hg.): Plattd\u00fc\u00fctsch Lektionar. Burgdorf 2004. \u00dcbersetzung nach Hajo M\u00fcller.<\/p>\n

1 Dat Volk, dat in\u2019t D\u00fc\u00fcstern stappt, s\u00fccht\u2019n groot L\u00fccht;
\n<\/em>un wor de Dood sien d\u00fc\u00fcster Schaar * smitt, over de word dat lecht.
\n<\/em>2 Du maakst, dat se hochspringen un juchheien un sik bannig freien.
\n<\/em>Dat geiht d\u2019r bilangs as in de Sichtertied**
\n<\/em>un is\u2019n Freid, as wenn d\u2019r groot wat deelt word.
\n<\/em>3 Wor kummt dat her?
\n<\/em>De swoore Dracht, dat Holt up h\u00f6r Schullers,
\n<\/em>den Stock van h\u00f6r Drievers hest du st\u00fcckenbrooken j\u00fcst so as an den Midiansdag.
\n<\/em>4 De Steevels, de\u2019t all daaltrampeln, un de heel Kriegskleedaasch,
\n<\/em>vullsmeert mit Blood \u2013 weg d\u2019rmit in\u2019t F\u00fc\u00fcr!
\n<\/em>5 Dar is\u2019n Kind upstahn, een Soehn is us geven,
\n<\/em>de hett nu dat Seggen, all Macht liggt up sien Schullers.
\n<\/em>Un dat is sien Naam:
\n<\/em>de-wunnerbor-Rat-weet, de-all-de-Macht-hett,
\n<\/em>f\u00f6r-ewig-Vader, f\u00f6r-alltied-Free.
\n<\/em>6 He regeert mit Kracht un brengt Free,
\n<\/em>de noit uph\u00f6\u00f6rt up de Throon van David un in sien Riek;
\n<\/em>he brengt dar Hollfast un Stoen in,
\n<\/em>he deit recht, un he sett\u2019 dat Recht.
\n<\/em>Dat g\u00fcllt nu un duuert all de Daag.
\n<\/em>Dat kummt wiss so ut, dar is achter her de Herr Zebaot. <\/em><\/p>\n

(* \u201eSchaar\u201c = \u201eSchadden\u201c ** \u201eSichtertied\u201c = \u201eAarnt\u201c ) <\/em><\/p>\n

Bold dreeduusend Johr s\u00fcnd disse Woorden old un doch prooten se uns ut\u2019t Hart. In\u2019t D\u00fc\u00fcstern rumwannern, dor kennen ok wi wat van; de Dood sien d\u00fc\u00fcster Schaar \u2013 dor hebben wi dat al faak genug mit to doon hat.<\/p>\n

De Stimmung in d\u2019 d\u00fc\u00fctsche Wirtschaft is beter worrn, steiht in\u2019t Blatt. Man liekers sehnt voel Minschen in uns Land ehrder schwart. Well weet, wat noch all up uns daalkummt? Disse Fraag kannst in h\u00f6r Oogen lesen. Dor is mennigeen, de s\u00fck S\u00f6rgen maaken mutt um sien Arbeitsst\u00e4\u00e4d of hum al lang verlooren hett. Dor is mennigeen, de Angst hett f\u00f6r Terror un Gewalt. De meesten hebben mehr Fraagen as Antwoorden. Un de een of anner van Jo is viellicht ja ok j\u00fcst dorum vandaag in\u2019t Kark koomen: Um f\u00f6r een St\u00fcnn all dat D\u00fc\u00fcster to vergeeten: Pien, S\u00f6rgen, all dat, wat H\u00f6r dat Hart swoor maakt.<\/p>\n

\u201eDat Volk, dat in\u2019t D\u00fc\u00fcstern stappt, …\u201c – Nee, lichter harrn de Minschen dat seeker nich to Jesaja sien Tieden. Wat D\u00fc\u00fcsternis is, dor wussen ok se ganz wiss wat van. Suldatenstevels un blootversmeerte Kriegskledaasch, de harrn se faak genug v\u00f6r Oogen. F\u00f6r dat Volk Israel stunn de Krieg v\u00f6r\u2019t Huusd\u00f6\u00f6r. Se satten d\u2019r maal t\u00fcschen domals: De Weltmacht Assyrien harr all Nahbers al unnerkreegen un wies ok h\u00f6r nu de Fuust. Lang w\u00fcrr dat nich mehr d\u00fc\u00fcrn, een Utweg weer nargens to sehn. De Minschen hebben keen Mood mehr un gl\u00f6\u00f6ven nich, dat\u2019t noch weer beter worrt. Ok se w\u00fcnschen s\u00fck een, de h\u00f6r Welt weer hell maakt, de Free brengt un all dat d\u00fc\u00fcster Drieven een Enn sett\u2019t.<\/p>\n

Un wat deit Jesaja? He blaast van\u2019n hoogen Toorn. Wat he dor luuthals utroeppt, klingt wunnerwat: Dat blifft nich d\u00fc\u00fcster, seggt he de Minschen to. Dor kummt een, de uns de swoore Lasten ofnimmt, de de Stocken van de Drievers k\u00f6ttbreckt un de Suldatensteevels verbrannt. Dor kummt een, de dat lecht maaken deit in de Welt un Free brengt. Een Kind worrt geboren, seggt Jesaja, un wat dat f\u00f6r een is, vertelln uns sien feine Naams: \u201eDe-wunnerbor-Rat-weet, de-all-de-Macht-hett, f\u00f6r-ewig-Vader, f\u00f6r-alltied-Free\u201c. Een, de\u2019n ganz annern Weg geiht un noch Rat weet, wor nix mehr to maaken is; een, de sien Leevde nooit uphollt; een, de f\u00f6r Free s\u00f6rgt un Antwoorden weet up all uns Fraagen.<\/p>\n

Klingt wunnerbor, wat Jesaja dor anseggt, man wohr wurr dat domals nich. Dat l\u00f6ttje Israel kann s\u00fck tegen dat groode Assyrien nich d\u00f6rsetten, swoore Tieden koomen up de Minschen to, upletzt worrn de meesten van h\u00f6r sogor verschleept un in\u2019t Fr\u00f6mde brocht.<\/p>\n

Un doch s\u00fcnd disse freche Woorden van Jesaja so inslahn, dat se upschreen un wiedergeven wurrn un bit vandag in uns Bibel stahnt. Mit mennigeen s\u00fcnd se d\u00f6r stuure St\u00fcnnen gahn. De Minschen leeten s\u00fck disse moije Biller nich mehr wegnehmen. Se leeten s\u00fck dat nich mehr utprooten, dat Gott dat allns to\u2019n gooden Enn brengen deit.<\/p>\n

730 Johr later kummt in Bethlehem een Kind to Welt. Armselig un schofel geiht dat dor to. Un doch is disse Jung van Anfang an wat Bes\u00fcnners. Engels seggen hum an, een Steern wiest de Weg nah hum hen, un as he groot worrt, markt man dat heel genau: Dat, wat he seggt un deit, \u00e4nnert de Welt. Minschen, de dat mit hum to doon kriegen, worrn heel an Lief un Seel, se maaken h\u00f6r Hart un h\u00f6r Knippke open un fangen an to deelen, se sehnt weer\u2019n Weg un weeten ganz wiss, dat Gott wat f\u00f6r h\u00f6r \u00f6ver hett. Nu koomen eenigen de Woorden van de oole Jesaja weer in\u2019t Sinn un se weeten dat tomal ganz genau: Gott hett endlich wohr maakt, wat he toseggt harr, he hett sien Minschen nich vergeeten: Gott hett Jesus in disse Welt st\u00fc\u00fcrt. Dat L\u00fccht, wat Jesaja anseggt hett, kriggt Hannen un Footen.<\/p>\n

All Johr weer, leeve Gemeen, h\u00f6\u00f6ren un singen wi dat van Neijen, dat disse Jesus in uns Welt koomen un dat dat mit hum heller worrn is, dat wohr worrn is, wat Jesaja de Minschen in Utsicht stellt hett.<\/p>\n

Man wat nu?<\/p>\n

Disse Jesus mag ja\u2019n grooden un bes\u00fcnnern Mann west wesen, seggen voel, man de Retter van de Welt, up de wi all wachten, weer he seeker nich. Kiekt jo doch um: An voel Mantels un Stevels kleevt immer noch Bloot, de L\u00f6ttjen worrn ok vandaag noch van de Grooten daaldr\u00fcckt, de Welt is keen Spierke beter worrn.<\/p>\n

Ja, leeve L\u00fc\u00fcd, dor lieden wi unner, bes\u00fcnners in de Wiehnachtstied, dat uns Welt noch immer so is, as se is. Dorum mutten wi jede Johr um Wiehnachten rum ok weer heel genau henkieken. Denn worrn wi n\u00e4mlich eens wies: Gott kummt ganz anners in disse Welt, as wi dat verwachten s\u00fcnd. Nich as een, de mit Macht gr\u00fcndlich upr\u00fc\u00fcmt, de ungerechte Herren bi d\u2019 Siet schufft, de Soldaten de Gewehren ut\u2019t Hand sleit un mit Karamba un Karacho allns anners un beter maakt. Nee, Gott geiht\u2019n annern Weg. D\u00f6r Leevde un Ged\u00fc\u00fcr will he de Welt anners maaken, un dat is domals al f\u00f6r Maria stuur to verstahn west. \u201eDien Kind kummt mal heel grood ruut, dat worrt\u2019n heel bes\u00fcnner Minschke\u201c, is h\u00f6r seggt worrn, as se mit Jesus in anner Umst\u00e4nden weer. Man statt in\u2019n weeken Weekenbedd findt se s\u00fck nu weer in\u2019n armseligen Verhau. De Wind feegt d\u00f6r de Ritzen, se mutt kl\u00f6\u00f6men un is bang. Un de eenzigen, de \u00f6verhoopt Notiz van h\u00f6r nehmen, s\u00fcnd L\u00fc\u00fcd, de gor nix to melden hebben.<\/p>\n

Un doch hett Maria wusst, dat dat all so wesen mutt, dat Gott bes\u00fcnners denn dicht bi is, wenn dat d\u00fc\u00fcster worrt, wenn\u2019t all anners kummt, as wi uns dat so denken. De groode Gott, f\u00f6r de wi as Minschen eegens bloot bang wesen k\u00f6\u00f6nen, wiel wi nooit so s\u00fcnd, as he uns hebben will, disse groode Gott kummt bi uns un worrt een van uns. He kummt as Kind in disse Welt. He wiest uns, dat he uns niemols allennig lett.<\/p>\n

Hell worrt dat erst, wenn wi uns nix mehr v\u00f6rmaaken, wenn wi henkieken un begriepen, wo dat um uns steiht. Dat wiest mi Jesaja, dat wiest mit de Wiehnachtsgeschicht ut de Bibel un dat seggt mi ok een l\u00f6ttje Vertellsel ut uns Daagen, de Geschicht van de l\u00f6ttje Jonathan:<\/p>\n

Mit de Harders<\/em> , vertellt disse Geschicht, keem ok Jonathan in Bethlehems Stall. So um un bi acht Johr was he old. He keek dat Jesuskind an, un dat Jesuskind keek hum an. Un Jonathan fung an to roaren. \u201aWorum weenst du?\u2019, froog Jesus. \u201aWiel ik di nix mitbrocht hebb!\u2019, meen Jonathan. \u201aDu kannst mi trotzdem wat geven\u2019, anter Jesus. Dor wurr Jonathan rot f\u00f6r Freud un reep: \u201aIk will Di dat Moijste geven, wat ik hebb!\u2019 \u201aDree Saaken will ik van di hebben\u2019, s\u00e4 Jesus. \u201eJa\u2019, meen de l\u00f6ttje Jung. \u201aMien Mantel, mien elektrisch Isenbahn un dat feine Book mit de moije Biller, dat is dat Beste, wat ik hebb.\u2019 \u201aNee\u2019, anter Jesus, \u201adat all bruuk ik nich. Dorto b\u00fcn ik nich koomen in disse Welt. Nee, schenk mi dien letzte Mathearbeit.\u2019 Jesus s\u00e4 dat ganz sacht, dat n\u00fcms anners dat h\u00f6\u00f6ren kunn. Man Jonathan verfehr s\u00fck doch gewaltig. \u201aJesus\u2019, wisper he un keem ganz dicht an de Kr\u00fcpp ran, \u201ador steiht \u201eungen\u00fcgend\u201c unner.\u2019 \u201aGenau, dorum will ik h\u00f6r ja hebben. Du sallt mi allns brengen, wor in dien Leben \u201eungen\u00fcgend\u201c unner steiht. Ik will di helpen, dat du dor mit kloor worrst. <\/em><\/p>\n

Man nu will ik noch\u2019n tweeden Geschenk van di\u2019, s\u00e4 Jesus. \u201aDien Melkbeeker!\u2019 \u201aMan de hebb ik doch verm\u00f6rgens k\u00f6tt maakt\u2019, verschruck Jonathan s\u00fck weer. \u201aDat is recht, obber breng mi man driest ok dat, wat du in dien Leben k\u00f6tt maakt hest. Ik will dat weer heel maaken. <\/em><\/p>\n

Un nu dat darde, wat ik geern van di hebben will. Breng mi doch de Antwoord, de du dien Mooder verm\u00f6rgens geben hest.\u2019 \u201aAs se mi froog, wo de Beeker k\u00f6tt gahn weer?\u2019 \u201aJa!\u2019 Do legg Jonathan sien Kopp an de Kant van de Kr\u00fcff un fung bitterlich an to roaren: \u201aIk, ik hebb h\u00f6r seggt, de Beeker weer runnerfallen, man in Wirklichkeit hebb ik hum mit d\u00fcll Kopp up d\u2019 Grund schmeeten.\u2019 \u201aJa\u2019, s\u00e4 Jesus, \u201abreng mi all dien Leegeree, all dien D\u00fclligkeit, all dat, wat du nich recht maakt hest, ik will di dat nahsehn. Ik will di dor free van maaken un di so annehmen, as du b\u00fcst. Wullt du di<\/em>dat van mi schenken laaten?\u2019 Un Jonathan wuss nich mehr, wat he seggen sull. Sien Hart was full van Freud un Free. <\/em><\/p>\n

Minschen lengen nah H\u00fclp un Free, nah\u2019n gooden un gerechten Welt, nah een, de h\u00f6r in\u2019t Arm nimmt un seggt: \u201eIs all good!\u201c Dat is to Jesaja sien Tieden so west un dat is bit vandaag so bleven. Wiehnachten lett uns marken, wat uns fehlt. Man Wiehnachten wiest uns ok, wor uns Sehnen stillt worrn kann: Gott s\u00fclst hett s\u00fck up\u2019t Padd maakt nah uns hen. Jeder enkelde van uns, liggt hum an\u2019t Hart.<\/p>\n

\u201eMaak dat man driest so as Gott:\u201c, hebb ik annerletztens up een Wiehnachtskort leest, \u201eWorr Minschke!\u201c Dor hett een begreepen, wor dat Wiehnachten um geiht, hebb ik docht un mi noch mal een Vers van een plattd\u00fc\u00fctsch Adventsleed ankeeken, wor dat heet:<\/p>\n

\u201eWenn ji nu froogt: Wor blifft de Herr? ‚
\n<\/em>Wi brukkt em gau hier op de Eer!
\n<\/em>Bedenkt, dat sied tweedusend Johrn
\n<\/em>de Christenminschen op em luu\u2019rn.
\n<\/em>Fangt an! <\/em> Ji weet jo, wat he meent<\/em> .
\n<\/em>He will, dat wi den Freden deent,
\n<\/em>dat wi vun den Advent
\n<\/em>al hier een V\u00f6rschmack findt.\u201c
\n<\/em>(Text von Pastor i.R. Cord Denker, Bargteheide)<\/p>\n

Amen<\/p>\n

\n

Pastorin Anita Christians-Albrecht,
\nBeauftragte der Landeskirche Hannovers f\u00fcr die Verk\u00fcndigung in plattdeutscher Sprache,
\nRhedener Stra\u00dfe 25,
\n31303 Burgdorf,
\nTel.: 05136 \/ 89 22 87;
\ne-mail: anita-juergen.albrecht@t-online.de<\/a><\/strong><\/p>\n<\/div>\n","protected":false},"excerpt":{"rendered":"

Heiligobend, 24. Dezember 2005 Plattd\u00fc\u00fctsch Predigt \u00f6ver Jes. 9, 1-6, Anita Christians-Albrecht Gott, de immer dor west het un dorweesen will f\u00f6r alle Tieden, de mag ok nu ganz dicht bi uns wesen un uns sien Free schenken. Amen. Mennig Dr\u00f6\u00f6m worrt wohr vannabend, leeve Gemeen, nich bloot f\u00f6r de Kinner. Ik denk an de […]<\/p>\n","protected":false},"author":1,"featured_media":15332,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[22,1,2,1297,727,853,545,638,349,915,109],"tags":[],"beitragende":[],"predigtform":[],"predigtreihe":[],"bibelstelle":[],"class_list":["post-10889","post","type-post","status-publish","format-standard","has-post-thumbnail","hentry","category-jesaja","category-aktuelle","category-at","category-anita-christians-albrecht","category-archiv","category-bibel","category-christvesper","category-kapitel-09-chapter-09-jesaja","category-kasus","category-plattdeutsch","category-predigten"],"_links":{"self":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/posts\/10889","targetHints":{"allow":["GET"]}}],"collection":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/posts"}],"about":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/types\/post"}],"author":[{"embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/users\/1"}],"replies":[{"embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/comments?post=10889"}],"version-history":[{"count":2,"href":"https:\/\/www.theologie.uzh.ch\/apps\/gpi\/wp-json\/wp\/v2\/posts\/10889\/revisions"}],"predecessor-version":[{"id":17128,"href":"https:\/\/www.theologie.uzh.ch\/apps\/gpi\/wp-json\/wp\/v2\/posts\/10889\/revisions\/17128"}],"wp:featuredmedia":[{"embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/media\/15332"}],"wp:attachment":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/media?parent=10889"}],"wp:term":[{"taxonomy":"category","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/categories?post=10889"},{"taxonomy":"post_tag","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/tags?post=10889"},{"taxonomy":"beitragende","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/beitragende?post=10889"},{"taxonomy":"predigtform","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/predigtform?post=10889"},{"taxonomy":"predigtreihe","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/predigtreihe?post=10889"},{"taxonomy":"bibelstelle","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/bibelstelle?post=10889"}],"curies":[{"name":"wp","href":"https:\/\/api.w.org\/{rel}","templated":true}]}}