{"id":9288,"date":"2021-02-07T19:49:52","date_gmt":"2021-02-07T19:49:52","guid":{"rendered":"https:\/\/theologie.whp.uzh.ch\/apps\/gpi\/?p=9288"},"modified":"2022-09-12T16:48:44","modified_gmt":"2022-09-12T14:48:44","slug":"en-engel-namens-schorsch","status":"publish","type":"post","link":"https:\/\/www.theologie.uzh.ch\/apps\/gpi\/en-engel-namens-schorsch\/","title":{"rendered":"En Engel namens Schorsch"},"content":{"rendered":"

Christvesper, 24. Dezember 2002
\nEn Engel namens Schorsch, verfa\u00dft von Werner Schwartz<\/span><\/b><\/h3>\n
\n

En Engel namens Schorsch<\/b><\/p>\n

E kl\u00e4\u00e4ni Woihnachtsgschicht
\nzum Lukas soiner Woihnachtsgschicht<\/b><\/p>\n

\n

Ob s Engelcher gebt, w\u00e4\u00e4\u00df mer nit so genau.<\/p>\n

In de Woihnachtsgschicht, do gebt s se. Do sin se iwwer de Schoofhirt uf em Feld vun Bethlehem gschwebt un h\u00e4n gsunge. Ganz laut h\u00e4n se gsunge. „All die Ehr vun de Welt soll unserem Herrgott soi drowwe im Himmel, un Friede soll oikehre bei de Mensche uf dere Erd, die wo so sin, wie unsern Herrgott se hawwe will.“ So h\u00e4n se gsunge. Un sie h\u00e4n s geglaabt, die Engel, un deswege h\u00e4n se so sch\u00e4\u00e4 gsunge.<\/p>\n

Blo\u00df \u00e4\u00e4ner, so en kl\u00e4\u00e4ner, Schorsch hot er, glaab ich, gh\u00e4\u00e4\u00dfe, der hot uf emol oighalde un hot nimmi mitsinge wolle. Weil, er hot iwwer m Sing nunnergeguckt uf die Erd, un do is er gewohr worre, was sich do alles abspielt. Er hot gsehe, wie die zw\u00e4\u00e4 arme Leit dort ehr Mieh ghat h\u00e4n, dass se en Platz finnen, wo se fer die Nacht bleiwe k\u00e4nnen. In eme Stall sin se dann unnerkumme, in eme armseliche Stall. Un des, wo die jung Fraa ehr Kind kriegt hot. S hot schoint s k\u00e4\u00e4ns e Erbarme ghat mit dene zw\u00e4\u00e4 arme Leit. Un die Schoofhirt hot er gsehe, wie se verlumpt un verloddert in dere Nacht bei ehre Herde uf em Feld gstanne h\u00e4n. Ganz all\u00e4\u00e4 draus uf em Feld, k\u00e4\u00e4 Dach iwwerm Kopp, nix wie e dinni Supp in em Dibbe uf em Feier. Un s Feier war ach schun am Ausgehe.<\/p>\n

Do is em alles des oigfalle, wo er schun gsehe hot. Mord un Dotschlag, H\u00e4nnel un Zores, wo mer hieguckt uf dere Welt. Kaum \u00e4\u00e4ns verdragt sich mit em annere. Un wann se sich schun emol verdrage dun, dann dauert s nit lang, bis se sich widder in die Hoor kriegen. Des is so deh\u00e4\u00e4m, in de Heiser, un des is so in de ganze weide Welt. K\u00e4\u00e4ner gennt em annere, dass er be bissel meh hot als wie er selwer. De \u00e4nd nemmt de annere aus, un s fehlt als nit viel, do schlacht er de annere dot. Die Velker fiehren Krieg unnernanner. Wo mer hieguckt Lug un Trug.<\/p>\n

Do soll mer sch\u00e4ne Lieder singe, vum Friede uf dere Erd un dodevun, dass mer soin Herrgott lowe k\u00e4nnt? „N\u00e4\u00e4“, sagt er sich. „N\u00e4\u00e4, do machscht nit mit. Des is nix fer dich. Wo doch doi Lewe lang ufrichdich gewest bischt, do duscht dich jetzt nit verbiege, nit emol an Woihnachde.“ Un er hot s Maul zsammegepetzt un is still gewest.<\/p>\n

Bis en soin Nochber, de Jakob, gstumpt hot, wo newer m im Engelschor gsunge hot. „He, warum singscht en nimmi mit? Kannscht des Lied nimmi?“ Do hot er n am \u00c4rmel gschnappt un hot en uf die Seit gezoge un hot em gsagt: „Ich glaab, du verstehscht nit viel vun dere Welt. Guck dich doch nor mol um. Dann bleibt der ach der Gsang im Hals stecke.“ Un er hot em verklickert, wie er des m\u00e4\u00e4nt.<\/p>\n

Do is der anner awwer uugeduldich worre. „N\u00e4\u00e4,“ hot er zu m gsagt, „so derfscht des nit sehe. Mer singen nit, weil alles schun so is, wie s unseren Herrgott hawwe will. Mer singen, weil unsern Herrgott sich ufgemacht hot in soi Welt. De Herrgott selwer will des zurechtbringe, was dort so verquer un letz is. Dewege kummt des kl\u00e4\u00e4 Bobbelche dort uf die Welt. Un deswege singe mer des sch\u00e4\u00e4ne Lied. Weil, mer wissen: S bleibt nix so, wie es is. S werd hell in dere Welt, un die Mensche wern noch die Kurv kriege, dass se sich ach verdrage k\u00e4nnen.“<\/p>\n

Do hot der kl\u00e4\u00e4 Engel, s werd en P\u00e4lzer gewest soi, weil er sich nix hot vormache wolle, do hot der kl\u00e4\u00e4 Engel noch emol zugheert, was soi Engelskolleche do singen: „All die Ehr vun de Welt soll unserem Herrgott soi drowwe im Himmel, un Friede soll oikehre bei de Mensche uf de Erd, die wo so sin, wie unsern Herrgott se hawwe will.“<\/p>\n

Un er hot bei sich gedenkt: „Des k\u00e4nnt jo soi, dass die Welt sich noch emol \u00e4nnert. Wann s unsern Herrgott schafft, dass er ebbes ausrichde kann bei de Mensche uf dere Erd. Mer w\u00e4\u00e4\u00df es nit, awwer s k\u00e4nnt jo soi. Un dann w\u00e4r s nit gut, wann ich jetzt ufheere deet mit em Singe.“<\/p>\n

Un wie er sich des so gedenkt hot, do waren die Engel ferdich mit em Singe un ehrn Aafiehrer, de Gabriel, hot en gsagt: „So, die Node weggepackt un es Buch zsammegeklappt. Un nix wie los, iwwer die ganz Erd weg, iwwerall hie, in de letschde Winkl. Iwwerall missen er e bissel ebbes vun dem Lied hiebringe. In jedi Menscheseel. Un strengen eich aa, singen, mol laut un mol ganz leise, unser Lied. Dass es sich in s Ohr vun de Mensche oischleicht un ins Herz. Dass se s nimmi aus em Sinn kriegen. Dass se alsfort draa denken, was unsern Herrgott mit en vorhot.“<\/p>\n

Un de Schorch war de allererscht, wo losgfloge is. Weil, des war jetzt ebbes noch soim Gschmack. Nit nor sch\u00e4\u00e4 singe drowwe im Himmel in em Engelschor. N\u00e4\u00e4, werklich ebbes du, wo ebbes nitzt. Losfliege zu de Mensche un e bissel vum Himmelsduft zu ne nunnerbringe in die Menschewelt. Dass se ebbes spieren vun unserm Herrgott soim Glanz. Un dass se e bissel H\u00e4\u00e4mweh kriegen noch em Himmel. Un, des war fer de Schorsch es wichdigschde: dass se sich dann selwer uf de Weg machen un guggen, dass se die Welt annerscht machen, als wie se is.<\/p>\n

Un all die Engel sin losgfloge. Die, wo noch e bissel heeher waren, sin nunnergfloge uf die Erd, dass es gerauscht un gebraust hot in de Luft.<\/p>\n

Mit ehre br\u00e4\u00e4de Fliggel dun se seither iwwer die Erd fliege, un mer dut s alsemol spiere, en Luftzug dut em alsemol ufscheiche, un alsemol bringt er em ganz dorchenanner. Vor allem korz vor de Woihnachde. Do spiert mer se meh als wie sunscht.<\/p>\n

Un wann em dann so en Luftzug vun so me Engelsfliggel streift, dann werd es Herz e bissel w\u00e4\u00e4ch, un mer hot e bissel meh als wie sunscht acht uf die anner Leit newe em. Un mer lacht e bissel meh wie sunscht, un mer helft sich unnernanner e bissel. Mer guckt, wie mer sich e Fr\u00e4\u00e4d mache kann. Un wammer genau hieguckt, merkt mer: Die Welt werd e bissel so, wie unsern Herrgott se hawwe will.<\/p>\n

Un mer gebt dem Schorsch e bissel recht. So ganz verkehrt is es nit, wammer mit dem Engelschor singe dut: „All die Ehr vun de Welt soll unserem Herrgott soi drowwe im Himmel und Friede soll oikehre bei de Mensche uf de Erd, die wo so sin, wie unsern Herrgott se hawwe will.“<\/p>\n

Ob s Engelcher gebt, w\u00e4\u00e4\u00df mer nit so genau. Awwer den Schorsch, den gebt s. Bstimmt.<\/p>\n

(Werner Schwartz, nach einer Idee von Werner Reiser)<\/p>\n

\n

Pfarrer Dr. Werner Schwartz
\nEvangelische Diakonissenanstalt, 67343 Speyer am Rhein
\nw.schwartz@ev-diakonissenanstalt-speyer.de<\/a><\/b><\/p>\n","protected":false},"excerpt":{"rendered":"

Christvesper, 24. Dezember 2002 En Engel namens Schorsch, verfa\u00dft von Werner Schwartz En Engel namens Schorsch E kl\u00e4\u00e4ni Woihnachtsgschicht zum Lukas soiner Woihnachtsgschicht Ob s Engelcher gebt, w\u00e4\u00e4\u00df mer nit so genau. In de Woihnachtsgschicht, do gebt s se. Do sin se iwwer de Schoofhirt uf em Feld vun Bethlehem gschwebt un h\u00e4n gsunge. Ganz […]<\/p>\n","protected":false},"author":1,"featured_media":13147,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[122,1,727,120,545,121,349,936,296,931,109],"tags":[],"beitragende":[],"predigtform":[],"predigtreihe":[],"bibelstelle":[],"class_list":["post-9288","post","type-post","status-publish","format-standard","has-post-thumbnail","hentry","category-adv_weihn_neujahr","category-aktuelle","category-archiv","category-bes_gelegenheiten","category-christvesper","category-festtage","category-kasus","category-pfaelzisch","category-predigt-ohne-spez-bibelstelle","category-predigt-zum-krippenspiel","category-predigten"],"_links":{"self":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/posts\/9288","targetHints":{"allow":["GET"]}}],"collection":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/posts"}],"about":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/types\/post"}],"author":[{"embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/users\/1"}],"replies":[{"embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/comments?post=9288"}],"version-history":[{"count":1,"href":"https:\/\/www.theologie.uzh.ch\/apps\/gpi\/wp-json\/wp\/v2\/posts\/9288\/revisions"}],"predecessor-version":[{"id":13220,"href":"https:\/\/www.theologie.uzh.ch\/apps\/gpi\/wp-json\/wp\/v2\/posts\/9288\/revisions\/13220"}],"wp:featuredmedia":[{"embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/media\/13147"}],"wp:attachment":[{"href":"https:\/\/www.theologie.uzh.ch\/apps\/gpi\/wp-json\/wp\/v2\/media?parent=9288"}],"wp:term":[{"taxonomy":"category","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/categories?post=9288"},{"taxonomy":"post_tag","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/tags?post=9288"},{"taxonomy":"beitragende","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/beitragende?post=9288"},{"taxonomy":"predigtform","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/predigtform?post=9288"},{"taxonomy":"predigtreihe","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/predigtreihe?post=9288"},{"taxonomy":"bibelstelle","embeddable":true,"href":"https:\/\/www.theologie.uzh.ch\/apps\/gpi\/wp-json\/wp\/v2\/bibelstelle?post=9288"}],"curies":[{"name":"wp","href":"https:\/\/api.w.org\/{rel}","templated":true}]}}